ផ្លូវក្រោមដីលេខ២ និង ផ្លូវលេខ៤ នៃគម្រោងស្ពាន អាកាសចោមចៅត្រូវបានបើកអោយចរាចរ
ដោយមានទីតាំងស្ថិតនៅខណ្ឌពោធិ៍សែនជ័យ នៃរាជធានីភ្នំពេញផ្លូវទាំងពីររួមមានផ្លូវក្រោមដីលេខ២ និង ផ្លូវលេខ៤នៃគម្រោងស្ពានអាកាសចោមចៅត្រូវបានបើកអោយចរាចរជាផ្លូវការនៅម៉ោង១០:00 ពេលព្រឹក ថ្ងៃទី២២ ខែមករា ឆ្នាំ ២០២១។ ផ្លូវក្រោមដីលេខ២ មានប្រវែងសរុប៤៥៧.៨១ម៉ែត្រ ទទឹង៨.៥ម៉ែត្រ និងបានរចនាជាផ្លូវមួយមានបីគន្លងពីផ្លូវជាតិលេខ៤ ទៅផ្លូវវេងស្រេង។ផ្លូវលេខ៤មានប្រវែងសរុប ១១៦.១៤ម៉ែត្រ ទទឹង ៥.៥ម៉ែត្រ និងបានរចនាជាផ្លូវមួយមានពីរគន្លង ពីផ្លូវជាតិលេខ៤ទៅផ្លូវជាតិលេខ៣។
ឆ្លងកាត់ការលំបាកជាច្រើនដូចជា ការរុះរើ ផ្លាស់ប្ដូរទីលំនៅរបស់ប្រជាជន និង ការរងគ្រោះដោយសារទឹកជំនន់បន្ទាប់ពីការសាងសង់បានចាប់ផ្ដើម គម្រោងស្ពានអាកាសចោមចៅទាំងមូលត្រូវបានរំពឹងទុកនឹងបញ្ចប់ការសាងសង់នៅពាក់កណ្ដាលឆ្នាំ២០២១។
