គម្រោងសាងសង់ឡើងវិញនូវស្ថានីយបូមទឹកឆៅថ្មីកោះនរា បានចាប់ផ្តើមធ្វើការសាងសង់តាំងពីខែ មេសា ឆ្នាំ ២០២១ និងគ្រោងបញ្ចប់ការសាងសង់ខែ មិថុនា ឆ្នាំ ២០២៤។ គម្រោងនេះមានទំហំផ្ទៃក្រលាសាងសង់ ១៧០០ ម៉ែត្រការ៉េ ដែលមានទទឹង២៤ម៉ែត្រ និងបណ្តោយ៧៣ម៉ែត្រ ដោយបានបែងចែងជា ២ តំបន់ផ្សេងគ្នា។ តំបន់ទី១ ត្រូវបានប្រើប្រាស់ជាអាគារទូទៅ ដែលមាន បន្ទប់អ្នកយាមការ អាគារត្រួតពិនិត្យអគ្គីសនី និង ដាក់បំពងមេ ២ អង្គត់ផ្ចិត ១៤០០ មីលីម៉ែត្រ។ តំបន់ទី២ ត្រូវបានប្រើប្រាស់ជាអាគារសំរាប់ស្ថានីយបូមទឹកឆៅ ដែលមានសមត្ថភាពបូមប្រមាណជា ៤៣០ ពាន់ម៉ែត្រគូបក្នុងមួយថ្ងៃ។